上市公司清盤? 什麼上市公司清盤?上市公司清盤不同情況分析
上市公司清盤主要指債權人向當地政府，例如香港法院申請清盤呈請，
主要原因為是上市公司或有限公司無意願或者無能力去支付欠債，
所以向法院進行一個清盤呈請，向上市公司的資產負債進行一個結算，
從而可以追討自已的損失 !
當然，解釋就還解釋，上市公司由於參與者唔單單係做生意嘅人，
上市公司清盤，參與者仲有股民、附屬公司、母公司、債權人等等，
所以唔係每一次上市公司清盤呈請公告，公司就一定退市，
今次就同大家簡單解釋一下，上市公司清盤呈請係咩意思，
點解上市公司清盤最後股民都會輸哂 ?
點解有部分上市公司清盤清咁耐都未除牌 ?
文章內容
最常見的上市公司清盤公告 :
內幕消息：針對本公司附屬公司之清盤令
大家最常見的清盤呈請，一定是【內幕消息：針對本公司附屬公司之清盤令】，
進入主題前要先解釋，一般而言，只有有限公司才可以進行清盤，
而上市公司係唔可能開一間無限公司，所以上市公司其下，99%都是有限公司，
好多股民一見到【針對本公司附屬公司之清盤令】就非常擔心，
擔心會影響股價，是大錯特錯 !
大家思考下，何謂上市公司附屬公司 ?
上市公司附屬公司可以係 : 見盤生意幾賺錢所以買返黎、同人合作開嘅子公司、
自已100%Hold嘅子公司等等，甚至有公司會為左控制一個Project，去再一間公司去佔股一個Project，
由於一間上市公司可以有大量附屬公司，而附屬公司又可以有附屬公司，
所以就當附屬公司真係出左事，以疫情為例，飲食生意大受打擊，
唔少上市公司立即賣盤，新主一接手，最常見就會Close大量附屬公司，
突然有一日收到自己附屬公司原來仲差人街數，因為你盡職審查做得再好，
前老闆可能以佢的名義拖左唔少街數，新主自然唔想比，
唔好講新主，舊主都唔會還，咁到底件事會點 ?
無錯，法庭事法庭見，由於你告得人都唔係差一百幾十，
一定是幾百萬計，於是就高等法院提堂，一堂堂費幾十萬，
本身就比人拖數，仲邊有能力同上市公司鬥，所以好多時候，
你會發現追數嘅Case不了了之，一般都被迫進行庭外和解。
同一時間對於上市公司而言，把負債附屬公司結業，
就等同於出現利潤，上市公司而言一舉兩得 !
所有基本上，2000萬以上嘅清盤呈請都唔洗太擔心 !
328 資不抵債系列，上市公司清盤，仲可以做債務重組 ? 什麼是債務重組 ?
一條人名值幾錢 ? 無錯，值4,5億以上【明就明，唔明就唔明】
328 愛高集團，在2021年發生一件非常痛心之事，
CEO從高處跳樓自殺身亡，除了反映疫情對中小企打擊以外，
令大家學習左咩叫「資不抵債」，簡單而言，就是即使變賣所有公司值錢之物，
都唔可以還清自己負債，一個人如果差人錢可以去打多一份工，
一間上市公司打開門做生意都賺唔到錢，仲要蝕錢，點做都係死，
唯一解決方式就係賣殼，其次就係結業走佬，再其次只可以祈禱，
根據AAstock全年業績，當時328公司現金有1千萬，應付款項加短期債都已經10億，
基本上蝙蝠俠都救你唔到，而CEO跳樓自殺之後，328由一隻無人認識嘅股票，變左一隻非常好的殼股，
亦帶出主題 : 「債務重組」 !
債務重組即公司對於不同債務進行整理，與債權人進行磋商，尋求一個減債、減息、拉長還款期，
甚至進行一個以股代債的討論，為求吸引資金進入，同時把債務成功處理 !
好，用返人話講，去到資不抵債，基本上債權人唔會要求上市公司清盤，
因為等同於上市公司唔洗還，於是聯交所非常鼓勵上市公司進行債務重組，
基本上90%債務重組都是吸引新主進行公司，而新主向債權人進行遊說工作，
而聯交所基本上對於債務重組所形成嘅暗手賣殼完全不聞不問，
畢竟聯交所都唔想比債權人罵死，而進行債務重組的上市公司，
90%會進行供股，基本上進行供股，只要進行供股嘅上市公司，
最多只係停牌長時間，股民唔會一無所有 !
三大清盤死亡情況 : 負債大到不能接受 / 董事主席出現過份失德情況 / 董事跳船
以上兩個情況，就唔太方便舉例，所以只係舉 : 星美控股 198 做例子，
當時因為疫情原因，電影業基本就係滅頂之災，於是發行債券，
而當中最出名嘅債仔就係TVB 511，而當時 星美控股 198 合手一計，
原來欠債上100億，當然股票市值都上百億，但無用，
因為疫情，無人睇戲，資產唔止係折讓，送比人都完全無人要，
所以基本上只可以交比人去清盤，因為係經濟最差個時清，基本上債權人全部死亡…
所以董事作為要承擔法律風險嘅人，就開始辭任董事，董事都唔做，公司都唔會好
而 6183 中國綠寶，就出現公司董事挪用公司現金，
基本上，公司董事如果核心人員出現過份失德行為，就好難搵到人救公司，
所以一定清盤除牌 !
如果有任何問題，可以隨時Pm我，打到昵度先 !
大師兄為你分享不同類別的投資心得，由投資細價股、財技股，由供股,合股,拆股,配股,可換股債等等，到財務自由教學，到不同類別的理財心得，為你全方位分析市場最新的股票、理財、投資、物業等等的最新資訊，為你避開不同的投資陷阱，立即Click入，一同與市場進步，學習更多投資理財方法 !
